uitbundig inheems - blog

Nasionale Boomweek 1-7 September

Pieter — Sun, 05 Sep 2010 20:07:55 +0000

Dis bykans verby! Die bome van die jaar is:

Algemene boom
Acacia xanthophloea (fever tree, koorsboom)

Skaars of nie-algemene bome
Rothmania capensis (Cape gardenia, Kaapse katjiepiering)
Rothmannia globosa (bell gardenia, klokkies-katjiepiering)
Cladostemon kirkii (tonga-kerrie, tongakierie)

Meer inligting hier.

Bedreigde ekostelsels in SA

Pieter — Sun, 05 Sep 2010 18:03:26 +0000

Die Draft National List of Threatened Ecosystems is in November 2009 gepubliseer. Die Biodiversiteitswet (Wet 10 van 2004) maak voorsiening vir die lys van bedreigde of beskermde ekostelsels, in een van vier kategorieë: kritiese bedreigd (CR), bedreigd (EN), kwesbaar (VU) of beskermd.

Meer inligting is hier beskikbaar, tesame met die volledige lys ekostelsels asook ‘n interaktiewe kaart.

Plantlife joernaal

Pieter — Sun, 05 Sep 2010 17:19:41 +0000

Die Botaniese Vereniging van SA bied tans gratis aanlyn toegang na hul Plantlife joernaal se uitgawes 39 en 40 vir 2010. Dit is beskikbaar op die Plantlife webwerf.

JSTOR Plant wetenskap en aanlyn herbarium

Pieter — Sun, 05 Sep 2010 16:39:02 +0000

Die JSTOR webwerf is ‘n aanlyn bron met amper 105 000 objekte van Suid-Afrikaanse plante, insluitende afdrukke van plate in Suid-Afrikaanse en ander herbariums. Indien jy registreer kan jy jou eie My Plante lys opstel.

Endemiese erika’s

Pieter — Sun, 05 Sep 2010 11:18:30 +0000

Caroline Voget vertel op haar blog (Earth Laughs in Flowers) van endemiese erika’s en verwys ook na ‘n lys op die internet van endemiese erika’s van die Kaapse Skiereiland. Sy sê:

Ericas are fascinating and exasperating plants! Just when I think I know a thing or two about them, I realize that actually, I know very little about them at all.

Daar is meer as 800 soorte Erica spesies in die wêreld, waarvan meer as 600 endemies is aan Suid-Africa (bron:Wikipedia). Een van daardie boeke wat seker elke inheemse plant entoesias behoort aan te skaf indien enigsins moontlik, is die boek Ericas of South Africa van Dolf Schumann en Gerhard Kirsten (1995). Sal moet begin rondloer!

Plant inheems in Kaapstad

Pieter — Sun, 05 Sep 2010 11:02:48 +0000

Kaapstad en die Botaniese Vereniging van Suid-Afrika het ‘n webwerf en handleiding in Afrikaans (sowel as Engels) bymekaargestel wat handel oor SA plantegroei en spesifiek die Kaapse laaglande. Een van die tien modules handel spesifiek oor die plant van inheemse plante in Kaapstad. Kry dit hier.

Dis heerlike lente!

Pieter — Sun, 05 Sep 2010 10:50:25 +0000

Sjoe, dit is byna ongelooflik om te sien dat ‘n jaar verbygegaan het sedert ons laaste blog-pos! Ons het intussen weer getrek, en hopenlik is ons verblyf hierdie keer ietwat meer permanent Ons bly nou bykans ‘n jaar in ons nuwe tuiste in Edenvale. Die tuin is lekker groot, maar uitheems. Die by plant van inheemse plante kom stadig maar seker aan - sien die lys van plante in ons tuin. Ons nuuste byvoeging is ‘n drolpeer (Dombeya rotundifolia) wat ons hierdie week net buitekant Bela-Bela by ‘n redelike jong kwekery (Rocking Horse Indigenous Nursery) gekoop het.

Nou ja, lekker tuinmaak!

Earth laughs in flowers

Pieter — Mon, 31 Aug 2009 22:11:10 +0000

Ek is telkens verstom oor wat ek raakloop op die internet. Caroline Voget is die redakteur van Veld & Flora, die tydskrif van die Botaniese Vereniging van SA. Besoek haar blog hier:

Earth laughs in flowers

Jy mag dit nie mis nie!

KZN Inheemse Plant-fees 5-6 September en tuinmaak handboek!

Pieter — Mon, 31 Aug 2009 05:15:46 +0000

Eerskomende naweek van 5 tot 6 September is dit weer tyd vir die jaarlikse inheemse plant-fees wat aangebied word deur die Natal-tak van die Botaniese Vereniging van SA. Meer inligting is beskikbaar hier:

http://www.indigenousplantfair.org.za

Die meegaande handboek wat spesiaal vir die fees geskryf word, lyk belowend!

Sadawatara kwekery in die Langkloof

Pieter — Wed, 01 Apr 2009 11:28:26 +0000

http://www.sadawatara.co.za/. Sadawatara is ‘n San-woord wat “Garden on the hill” beteken. Die kwekery spesialiseer in inheemse bolplante (hulle is ‘n groothandelaar) maar hou ook ‘n verskeidenheid ander plante aan.